Dina bulan ramadhan umat Islam menang dua kabahagiaan. Nu kahiji dina waktu keur buka, nu kadua Allah Swt ngaluangkeun gerbang/pantona syurga. Kuring boga carita, caritana teh kieu, mangga regepkeun !
Mang Kemod teh salah saurang warga Ciawitaly-Ciamis, dina hiji waktu manehna pernah nyarita ka sohibna ngenaan masalah pribadi prihal bulan Romadon, ngaran sohibna teh Sueb tea.
Kemod : “Sueb, urang mah mani bungah pisan lamun pas buka puasa”.
Sueb : “Nyaheeuh atuh, kan ceuk na hadist rosulullah oge kitu. Emangna dina eta bulan ente boga masalah naon kitu?, teu boga duit?”
Kemod : “lain euy, masalah kuring mah kieu, emang pas waktu buka mah kuringteh ngarasa atoh kabina-bina, tapi ges liwat 20 menit ka harep, beda ! kuring waregah ngalaksanakeun solat Taraweh eb! Isukna deuih kudu hudang isuk-isuk pisan”.
Sueb : “Emang ceuk ente naon kitu masalahna Solat Taraweh? Meni ciga nusoak pisan”.
Kemod : “Kieu mani sok keuheul kuring mah ka Imam nu mimpin taraweh peuting,…maca suratna panjang teuing.
Sueb : “Di masjid mana kitu mod? Cilamega lain?”
Kemod : “lain, tapi d kampung Guha. Emang sih bilangan rakaatna mah saeutik 11 tea. Tp maca suratna naudubillah”.
Sueb : “geus we kieu ayeunamah, ti peuting ayeunamah ente jeung kuring bareng we sholat tarawehna, kieu ameh teu lila lin?, samemeh solat ente kudu tatanya heula ka imam ngenaan surat nu rek dibaca. Jeung lamun bisa mah ente nawar, ngariuest amih maca suratna nu parondok.
Sueb : heeuh atuh…
Kacaritakeun wanci isya geus prak. layung koneng rarabeng di awan nu karek hideung. Teu lila ustad Yunus Imam Masjid kampung Guha tos mucunghul.
Kemod : Askm tad…
Ustad : Waalaikumsalam.
Kemod : duh nembe sumping tad?…bade teras wae sholat?
Ustad : hayu atuh !
Kemod : pak ustad sateuacan taraweh… Kemod rek nanya, kira-kira dina rokaat kahiji rek maca surat naon?
Ustad : Alkafirun.
Kemod : naon hartina? Ustad : gajah, ari nu rokaat kadua mah surat An Namal.
Kemod : naon deuih hartina?
Ustad : Sireum. Mangna kunaon gitu?
Kemod : ah henteu, naroskeun we etamah tad!
Ustad : oh boa-boa sieun kapanjangannya maca suratnanya? Hok atuh kemod milih suratna, rek Al kafirun heula, atau An naml?
Kemod : (duh da al kafirun pasti panjang, da hartina ge gajah atuh, tapi an namal mah pasti pondok, da hartina ge sireum)Kemod ngagurutu na hate, “geus lah tad, cuang surat An Naml Heula!”
Pass rokat kahiji dimulai, bener ustad maca surat An Naml. Teu lila 10 menit si kemod Bujurna mulai gutak-gitek teudaek cicing, geus 15 menit huluna kuralang-kuriling. Tah hampir 30 menit Ustad karek rapih !, kabayang haneeulna hate si Kemod, surat nu dianggap ku manaehna pondok eh pas dibaca ku ustad teh, kok panjang pisan.
Kemod : “Ah aingmah keheul, suganteh surat An Naml nu hartina sireum ayatna pondok. Etateh karek surat An Naml, komo deui surat Al Kafirun Nuhartina Gajah, JADOOL teh”
BaJu KoPrAL
